دحض الإدعاء

– الكلام ده غير صحيح. مفيش أي تعديل اتعمل على عقوبة إهانة رئيس الجمهورية.✅✅

– مش من صلاحيات رئيس الوزراء إنه يصدر قرار زي ده أصلًا، الحبس أو الغرامة لازم تكون بنص قانون، واللي بيصدر القوانين هو البرلمان مش رئيس الوزراء.

عقوبة إهانة رئيس الجمهورية بتحددها المادة 179 من قانون العقوبات، واللي بتنص على: “يعاقب بغرامة لا تقل عن عشرة آلاف جنيه ولا تزيد على ثلاثين ألف جنيه كل من أهان رئيس الجمهورية بإحدى الطرق المتقدم ذكرها”.

– لحد سنة 2013 كانت المادة دي تنص على عقوبة الحبس والغرامة للي بيهين الرئيس، لكن الرئيس عدلي منصور عمل تعديل في سنة 2013 على المادة دي وبقت العقوبة الغرامة بس.

– كان في مشروع قانون تم تقديمه لمجلس النواب في مايو 2017 عشان يتم تعديل مادة إهانة رئيس الجمهورية وتغليظ العقوبة بحيث تبقى حبس لمدة تصل إلى 3 سنين وغرامة تصل لـ100 ألف جنيه، لكن المشروع مكملش ومتعرضش في جلسة عامة في مجلس النواب.