دحض الإدعاء

– أحيانا بنبقى عاوزين نعرف تفاصيل أكتر عن حساب معين على تويتر عشان نفهم على الأقل مدى مصداقيته أو مين اللى بيتفاعل معاه أكتر، وبالتالي نقيمه بشكل عام.

– فيه أداة حلوة بتساعدنا نحلل أداء الحسابات على تويتر، اسمها Followerwonk، فيها أكتر من أوبشن، سواء تحليل حساب معين أو مقارنة أدائه مع حساب تاني بشكل شامل، وكمان بيكون معاها رسوم توضيحية وجرافيك لكل شىء بيتعلق بده.

– كمان الأداة فيه أوبشن إنك ممكن تبحث عن الناس من واقع اللى كاتبيه في الـ Bio التعريفي لحساباتهم، أو تبحث عن أبرز المؤثرين المتواجدين في مكان معين وده بتتحسب وفقا لعدد الفولورز، يعني لو كتبت Cairo مثلا في خانة السيرش هتبان لك قائمة مرتبة للحسابات بشكل دقيق من الأعلى إلى الأقل في عدد المتابعين في القاهرة.