مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
حقيقة المعجزة: جسد المتهم بتفجيرات اندونيسيا سليم بعد 16 عام من دفنه
Jul. 29, 2018
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
- في الساعات الأخيرة، انتشر فيديو من إندونيسيا على صفحات مختلفة بتقول إنه للحظة فتح قبر "عمر الإندونيسي" والمتهم في تفجيرات "بالي" عام 2002، اللى اتحكم عليه بالإعدام، وإن "معجزة" حصلت في إن جسده لسه سليم تمامًا رغم دفنه من 16 سنة، وبتقول "سبحان الله... في مكان الدفن انتشرت فيه المياه جوفية وتم نقل جميع الأموات كلهم وهم عظام بالية، إلا هذا الرجل الصالح، نحسبه مع الأنبياء والصديقين والشهداء".
دحض الإدعاء
– الكلام ده غير حقيقي، الجثمان مش خاص بالمتهم في تفجيرات بالي، الكلام المكتوب مع الفيديو غير صحيح تمامًا.
الجثمان ده بتاع سجين اسمه ياسر بن تمرين، مات يوم 17 يوليو الجاري، بسبب مرض في الكبد، وهومسجون من 2017، لاتهامه بإطلاق نار على ضباط شرطة✅✅.
– كمان تقارير لمواقع إخبارية إندونيسية قالت إن عائلة الإرهابي المتهم في تفجير بالي، اللى اسمه عبدالعزيز ومُلقب بـ”الإمام ساموديرا”، نفت صحة الكلام ده، وأكدت إن قبر “ساموديرا” سليم تمامًا ولم يتم نبشه.
آخر الأخبار
