دحض الإدعاء

– الكلام ده كله غير صحيح، ومفيش أي وسائل إعلام اتكلمت عن القصة دي. وكمان الصورة كانت من لقاء جمع بوتين وكوليندا قبل نهائي كأس العالم في 15 يوليو الجاري، وخلاله أعطى بوتين باقة ورد لكوليندا اللى في المقابل أعطته تيشيرت منتخب كرواتيا.✅✅

– حسب موقع الرئاسة الروسية (الكرملين) أغلب الكلام خلال اللقاء كان عن الكورة، وقمة حلف الناتو، ولقاء بوتين مع ترامب.

– بداية انتشار الشائعة كانت من تونس، من خلال صفحة مواطن تونسي كتب بوست كاذب يوم اللقاء، ممكن كان بيهرج وقتها، لكن لفت الشائعة لحد ما وصلت صفحات مصرية على فيس بوك، وبعدين ردت تاني في شكل خبر على موقع تونسي اسمه “تونس للإعلام”، اللى مصريين كتير شيروا الخبر منه، ومن صفحة تانية على فيس بوك، اسمه “اديكة في العشة”.