مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
حقيقة تغيير سرينة الإسعاف لصوت السيسي
Jul. 12, 2018
(ساخر- خبر ساخر- صورة ساخرة- تصريح ساخر- الأخبار المنشورة بغرض السخرية- أخبار كذبة أبريل- أخبار المقالب).
- بوست منتشر عليه لوجو جريدة الوطن ومكتوب عليه: "وزيرة الصحة: هنغير صوت سرينة الإسعاف لصوت الرئيس السيسي وهو بيقول تحيا مصر".
دحض الإدعاء
الكلام ده غير حقيقي، والبوست مفبرك.✅✅
الخبر ملوش أي أثر في موقع جريدة الوطن ولا أي موقع تاني معروف.
لو دققنا في البوست هنلاقي اللي فبركة عمله بحرفية شديدة، يعني ده نفس فونت خط الوطن، ومفيش أخطاء إملائية. والحل في الوقت ده بيكون الرجوع للموقع نفسه والبحث فيه للتأكد من صحة الخبر أو عدم صحته.
البعض ممكن يعتبر البوست ده كوميدي وياخده بهزار، بس “عمرو الشريف” أول واحد نشر البوست ده له سوابق قبل كده في نشر أخبار غير حقيقية زي “وزير التموين: قرارات صعبة خلال ساعات ويجب على المواطن تحملها لأنها تصب في مصلحته”، و”شكري: رئيس وزراء أثيوبيا قالنا اشربوا من البحر”، وفي ناس كتير بتتعامل مع الأخبار دي باعتبارها حقيقة.
آخر الأخبار
