مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
لم يصدر قرار بتحديد أجر المأذون لكتب الكتاب بـ 15 ألف جنيه
Jun. 02, 2022
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
- بوست منتشر بشكل كبير، بيقول: "هو حقيقي من بداية شهر 7 كتب الكتاب المأذون هياخد 15 الف جنيه". 
دحض الإدعاء
– الكلام ده غير صحيح. لم يصدر أي قرار رسمي بتحديد أجر المأذون بـ15 ألف جنيه بداية من شهر يوليو 2022. 
# إيه هي رسوم كتب الكتاب؟
– رسم قدره 1.5% على أول مائة جنيه من مؤخر الصداق، و2% على الزيادة، وده بحسب قانون الرسوم أمام المحاكم الشرعية رقم 91 لسنة 1944.
– كمان هناك مبلغ ثابت قدره 100 جنيه طابع تأمين الأسرة، بالإضافة إلى بعض المبالغ النثرية الخاصة بدمغة دفتر المأذون.
– معنى ده إن لو مبلغ المؤخر 50 ألف جنيه، هيكون الرسوم المنصوص عليها قانونًا لصالح الدولة تقريبًا 1200 جنيه (ممكن زيادة بسيطة).
# ليه المأذون بياخد فلوس أكتر؟
– لا يوجد نص قانوني يحدد أجر المأذون في مصر، ولا يوجد للمأذون راتب من الحكومة، لذا يطلب أجرًا مقابل توثيق عقود الزواج والطلاق وغيرها.
– الأجر بيختلف من مأذون للثاني، ومن منطقة للتانية (يعني في الأرياف ممكن الأجر يكون أقل من المدن)، وبيكون خاضع للنقاش (الفصال).
– بشكل عام (واحد صاحبنا متجوز قريب وسائل كويس 
) المأذون بيطلب 100 جنيه على كل 1000 جنيه من مؤخر الصداق (خصوصًا لو مبلغ المؤخر مش كبير)، وده بيكون شامل كل حاجة (رسوم الحكومة وطابع تأمين الأسرة والمصاريف النثرية والضرائب اللي بيدفعها على كل عقد زواج)، يعني المأذون بيقدر أجره بـ7% تقريبًا من قيمة المؤخر.
) المأذون بيطلب 100 جنيه على كل 1000 جنيه من مؤخر الصداق (خصوصًا لو مبلغ المؤخر مش كبير)، وده بيكون شامل كل حاجة (رسوم الحكومة وطابع تأمين الأسرة والمصاريف النثرية والضرائب اللي بيدفعها على كل عقد زواج)، يعني المأذون بيقدر أجره بـ7% تقريبًا من قيمة المؤخر.– النسبة دي لو مبلغ المؤخر 50 ألف جنيه مثلًا هتساوي 3700 جنيه تقريبًا، وزي ما وضحنا ده مش مبلغ ثابت كله ملتزم به، لكن ممكن يزيد وممكن يقل على حسب المنطقة والمأذون نفسه.
* يوجد مشروع قانون جديد للمأذونين يناقش حاليًا في مجلسي النواب والشيوخ، ويقترح أن يكون أجر المأذون لعقد القران 1000 جنيه.
آخر الأخبار
