مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
ماذا يعني أن تدور الأرض حول نفسها بسرعة أكبر من الطبيعي ؟
Aug. 15, 2022
(تحقيق- الحقيقة فين- اعرف- سين وجيم- تقارير- علشان محدش يضحك عليك- مدونة- والمواد المتشابهة في المنصات الشريكة)
دحض الإدعاء
خلال الأيام اللي فاتت، انتشر بشكل كبير جدًا أخبار بتقول إن "الأرض تدور حول نفسها بأسرع مما ينبغي". ناس كتير قابلت الخبر بسخرية وناس تانية تساءلوا عن معنى الكلام ده.
هنحاول في البوست ده نوضح يعني إيه "الأرض بتدور حول نفسها أسرع مما ينبغي"، وإيه تأثيره علينا احنا البشر.
# إيه اللي حصل؟
- يوم 29 يونيو 2022 ،العلماء في الهيئة الدولية لدوران الأرض والنظم المرجعية الهيئة الدولية لدوران الأرض والنظم المرجعية (وهي المنظمة المسؤولة عن ضبط الوقت العالمي) لقوا إن دوران الأرض حول نفسها كان أقل بـ 59.1 مللي ثانية من اليوم العادي، وده أقصر يوم على الأرض يتم تسجيله من وقت استخدام الساعات الذرية لأخذ القياسات اليومية في الستينيات.
- ده حدث متكرر مش جديد، يعني مثلًا في يوم 26 يوليو 2022 دورة الأرض حول نفسها كانت أقصر بـ50.1 مللي ثانية من المعتاد، لكن الجديد هو إن كل مدى وقصر اليوم بيزيد.
# إيه هي الساعة الذرية؟ وإيه هي سرعة دوران الأرض المعتادة؟
- عشان الأمور تكون واضحة أكتر، هنوضح بعض المفاهيم الأساسية الخاصة بالموضوع.
- الساعة الذرية هي وحدة قياس للثانية، تم ابتكارها في أواخر الأربعينيات لتحديد الوقت وقياس دوران الأرض، وهي أدق وحدة عرفها البشر لحد وقتنا هذا. وهي بتعتمد على توجيه شعاع معين من الطاقة الكهرومغناطيسية بتردد معين على الذرة، وبعدها بنقيس اهتزازات الالكترونات داخل الذرة زي بالظبط حركة اهتزاز البندول في الساعات القديمة اللي كنا بنشوفها في أفلام أبيض وأسود.
- ساعة الذرة ليها كذا نوع، بس الساعة اللي بتعتمد على ذرات عنصر السيزيوم أكثر دقة (السيزيوم هو عنصر في الجدول الدوري زي باقي العناصر اللي عارفينها زي الصوديوم والبوتاسيوم وغيرهم)، وتعريف الثانية بحسب "نظام الوحدات الدولي SI " هي الزمن الذي تحتاجه ذرة سيزيوم-133 لتتذبذب 9 مليارات و192 مليون و631 ألف و770 مرة بالضبط.
- يبلغ طول محيط الأرض عند خط الاستواء (هو خط وهمي يفصل الأرض إلى جزئين متساويين شمالًا وجنوبًا ويمر بنصفها) 070،40 كيلومترًا، ويبلغ طول اليوم 24 ساعة أو 1440 دقيقة أو86400 ثانية وكدا سرعة دوران الأرض حول نفسها 1670 كيلومترًا في الساعة.
# ليه سرعة دوران الأرض بتزيد؟
- للأسف لحد دلوقتي محدش عارف السبب بالظبط.
- توقعات العلماء بتقول إن السبب ممكن يكون تأثيرات الجاذبية من القمر والشمس والكواكب الأخرى، أو بسبب الضغط والنشاط الزلزالي وحركات اللب المنصهر داخل باطن الأرض، أو التغيرات المناخية والمحيطية.
# إيه الحلول اللي قالوها العلماء عشان نحل المشكلة دي؟
- في علماء شايفين إن جه الوقت ونغير في الساعة الذرية، وعشان دا صعب في الوقت الحالي، في علماء تانيين قالوا نعمل "ثانية كبيسة سلبية" عكس فكرة السنة الكبيسة اللي بتبقى فيها يوم زيادة (366 يوم)، الثانية الكبيسة السلبية بقى اننا هنشيل ثانية من التوقيت.
- من سنة 1972 كان العلماء بيضيفوا كل كام سنة ثانية كبيسة لتعديل الوقت وكانت آخر إضافة في عام 2016. ودا لأن الأرض كانت بتدور بسرعة بطيئة، لكن آخر كام سنة بدأت تدور بسرعة أكبر.
- دلوقتي عاوزين يعوضوا الزيادات دي وينقصوا ثانية من الوقت، وطبعًا العلماء بينهم خلاف كبير جدًا في استخدام الثانية الكبيسة السلبية، لإن الموضوع عميق أوي وصعب وممكن يعمل مشاكل تقنية كبيرة جدًا في العالم كله.
- المهندسان والباحثان في شركة ميتا (فيسبوك سابقًا) أوليغ أوبليوخوف وأحمد بياقوري بيقولوا "ان الأمر مش هين وإن شركات مثل Meta قامت بعمل محاكاة لهذا الحدث، ومن المرجح أن يؤدي تنفيذه في الواقع إلى انقطاعات مدمرة وغير متوقعة للطاقة واالنترنت في جميع أنحاء العالم".
# إيه يعني لما الأرض تدور أسرع واليوم يبقى أقصر كام ميللي ثانية؟
- كتير ممكن يسألوا السؤال ده، ورغم إن معظم الناس ال يحتاجون إلى معرفة الوقت بالنانو ثانية، لكن العديد من الصناعات والتقنيات محتاجة ده.
- أكتر المتضررين من تسارع دوران الأرض حول نفسها هيكون خدمة الأقمار الصناعية لنظام تحديد المواقع العالمي (GPS) واللي مع الوقت واستمرار تسارع دوران الأرض ممكن يبقى مالهاش الزمة.
كذلك مزامنة الاتصالات في الهواتف الذكية وأجهزة الكمبيوتر وأنظمة الاتصالات، وتوزيع الطاقة، والتجارة المالية، وشبكة 5G، وتقنية الملاحة التي توجه المركبات ذاتية القيادة، جميعها تحتاج إلى وقت عالي الدقة عشان تشتغل بكفاءة.
آخر الأخبار
