دحض الإدعاء

مش صحيح أن النسب المسموح بيها للأملاح 50 ملجم/لتر. حسب منظمة الصحة العالمية بتوصل 1200 ملجم/لتر كحد أقصى، وكذلك المواصفات المصرية بتكون الحدود المسموح بيها 500 ملجم/لتر و 1200 ملجم/لتر كحد أقصى.

أما بخصوص تجربة التحليل الكهربي للمياه فده مش دليل على عدم صلاحية المياه للشرب، وطبيعي يحصل كدة لأن فيه نسبة أملاح في المياه بتساعد على ظهور النتيجة اللي في الفيديو، والخدعة دي بتستخدمها شركات فلاتر المياه للتسويق لمنتجاتها، ومهما كان نقاء المياه هتطلع نفس النتيجة اللي في الفيديو طالما فيها نسبة أملاح ولو قليلة.