دحض الإدعاء

الفيديو عبارة عن أكاذيب علمية و معمول لزيادة المشاهدات دون مراعاة ان في ناس ممكن تموت بسببه , أول حاجة مادة اللاتريل أو الأميجدالين ملهاش أي فاعلية حقيقية ضد السرطان والتجارب اللي قالت ليها بعض الفاعلية فكانت باستخدام كميات كبيرة جدا لدرجة انها بتعمل أعراض التسمم بالسيانيد و بتسبب الوفاة  …ثاني حاجة كذب اتقالت هي ان مرض الاسقربوط مش بيموت و هو مرض مميت لو متعالجش و دي حاجة معروفة في كتب الطب و مات بسببه 2 مليون شخص في العصور الوسطى ….

الأبحاث اللي عملها المعهد القومي الأمريكي للسرطان قالت إن اللاتريل أو الأميجدالين ملوش أي فاعلية حقيقية ضد السرطان والتجارب اللي قالت ليه بعض الفاعلية فكانت باستخدام كميات كبيرة جدا والجرعات العالية بتعمل أعراض التسمم بالسيانيد زي تليف الكبد وتلف الأعصاب وغيبوبة وحدوث الوفاة وال FDA حظرت استخدام المادة دي ومنظمة الأمن الغذائي الأوروبية نصت إن بذرة واحدة في الأطفال و 3 بذرات في الكبار قد تسبب التسمم بالسيانيد مع العلم إن السرطان معروف من عهد قدماء المصريين من 3000 سنة قبل الميلاد.