دحض الإدعاء

إيفان بوغدانوف بالفعل زعيم أولتراس فريق “red star” النجم الأحمر الصربي، ومعروف عنه إنه متعصب وعنيف لكن باقي الكلام غير صحيح.✅✅

إيفان مواليد سنة 1980، فإزاي قتل والده في سنة 1982! قتله وهو عنده سنتين؟!🤔

– مفيش أي خبر ذكر إن إيفان قتل والده أو قتل جنرال في الجيش الصربي.

– كمان الكلام عن قتل إيفان لمشجع لنادي بارتيزان بلغراد غير صحيح. البوست بيقول الواقعة كانت في 2003، وكانت بعد تهديد عبر موقع vk الروسي، وموقع vk (موقع تواصل اجتماعي روسي) أصلًا تأسس سنة 2006!

– إيفان عنده سجل جنائي في صربيا بيتضمن حيازة مخدرات وأعمال شغب، واتشهر عالميًا في سنة 2010 بسبب قيادته لشغب ملاعب خلال ماتش إيطاليا وصربيا اللي اتلعب في مدينة جنوا الإيطالية ضمن تصفيات يورو 2012، واتسجن في إيطاليا عدة شهور وبعدها اترحل لصربيا عشان يتسجن هناك سنتين ونص في قضية كان محكوم عليه فيها.

– إيفان خرج من السجن وظهر تاني في ماتش صربيا وألبانيا سنة 2014، وقاد الجماهير للقيام بأعمال شغب اتقال وقتها إنه مدفوعة من اليمينيين المتطرفين بسبب العداء التاريخي بين البلدين.

#متصدقش