دحض الإدعاء

– الكلام ده غير صحيح. المخترع أحمد عنيبة نفاه.✅✅

– الخبر بتاع اليوم السابع انتشر بشكل كبير جدًا على السوشيال ميديا، وكان في تعليقات ساخرة كتير عليه. أحد أصدقاء أحمد منشنه عند حد مشير الخبر وسأله “انت قولت كده امتى”، فكان رد أحمد عنيبة: “يا عم دا افتراء صحافة وقلت كدا اكتر من مرة وكل برنامج بوصي فيه اني هسافر.. دولا بيعرضوا على حسابي”.

ولما حد تاني دخل سأله “يعني التصريح ده مش بتاعك ؟”، عنيبة رد وقال: “والله ما بتاعي وانا والله ما فتحت الخبر حتى. تاني للمرة الألف: اللي حصل بالظبط:

-هتسافر المنحة اللي جايالك كاليفورنيا
=لا مستني الجيش “التجنيد”

حوروا الحوار انه قاعد علشان الجيش لو احتاجه وهيفضل في مصر علشان كرمته وكلام فاضي ..
وبقول لا مستني الجيش علشان يدوني اعفاء او يحلولي المشكلة علشان اسافر
ادخلوا شوفوا اللقاءات واسمعوا لو قلت حاجة وطلعت من لساني امسكوها عليا
انما الناس بتغلط فيا وقلنا ماشي بس بلاش الأب والأم الله يرضى عليكم”.