دحض الإدعاء

– ده كلام غير علمي، ومفيش أي دليل عليه. باعتراف الصيدلي نفسه، مفيش أبحاث علمية اتعلمت على العلاج بتاعه وهو شغال “شغل عشوائي” بحسب وصفه.✅✅

– بحسب كلام الصيدلي، هو شغال على العلاج ده من فترة، وعالج أكثر من 180 حالة، من ضمنهم 22 حالة في يوم واحد. رغم ده الصيدلي محصلش على براءة اختراع ولا سجل علاجه اللي بيعالج كل الأمراض! ✅✅

– الصيدلي بيقول إن الدواء بتاعه “عاشق للأمراض المزمنة”، وممكن الحالة البسيطة ميجبش فيها نتيجة، ورفض الإعلان عن مكوناته، وبيرفض ارتداء الكمامة أو أي أدوات وقاية، ودي كلها مؤشرات مقلقة. ✅✅

– مديرية الصحة بمحافظة المنوفية عملت حملة تفتيشية على صيدلية الدكتور حاتم جمعة، وتحفظت على عدد من المواد العشبية والعسل داخل صيدليته وحررت محضر غش تجاري ضده في قسم شرطة تلا.✅✅

– بحسب منظمة الصحة العالمية، بعض العلاجات المنزلية والتقليدية قد تريح أو تخفف بعض أعراض فيروس كورونا، لكن مفيش أي أدوية منها ممكن تعالج أو تقي من الفيروس.

– يجري حاليًا اختبارات على عدد من الأدوية في بريطانيا وألمانيا وأمريكا ودول أخرى، لكن مفيش عقار ثبت فاعليته حتى الآن في القضاء أو الوقاية من الفيروس.