دحض الإدعاء

– الكلام ده غير صحيح، المظاهرة ملهاش علاقة بقرار نسبة الحضور. ✅✅

– المظاهرة من أولياء أمور مدرسة “الوزير الخاصة” احتجاجًا على إغلاق المدرسة بدعوى إنها “غير مرخصة”.

– القصة بدأت لما وزارة التعليم قفلت مدرسة الوزير الخاصة بدعوى إنها غير مرخصة مرحلة ثانوية، وإنها عبارة عن “سنتر دروس خصوصية” مش مدرسة، وده معناه إن الطلاب الموجودين فيها مش تبع الوزارة وإن الشهادات اللي أخدوها مزورة، والطلاب هيعيدوا السنين اللي فاتت.

– الأهالي احتجوا على قرار إغلاق المدرسة وقالوا إنه بيضيع سنين من حياة أولادهم، ونظموا مظاهرة أمام الوزارة للمطالبة بحل المشكلة.

– الوزارة قالت إنها التقت بعض أولياء الأمور وطلبت منهم كتابة كشوف بأسماء الطلاب حسب الصف الدراسى حتى يتم مطابقتها مع قاعدة بيانات الطلاب فى الوزارة ومعرفة ما إذا كان هؤلاء الطلاب ضمن قوائم الطلاب وحاصلين على صفوف دراسية من مدارس تابعة للوزارة من عدمه.

– لو أخدنا بالنا هنلاقي إحدى أولياء الأمور بتقول “الوزير ضيع 1000 طالب”، في إشارة لطلاب المدرسة اللي هيضطروا يعيدوا السنين اللي فاتت بحسب كلام الوزارة.

موقع المصري اليوم اللي أنتج الفيديو ده عمل كمان تقرير صحفي شارح فيه القصة وتصريحات أولياء الأمور.