مجتمع التحقق العربي
هو منظمة بحثية غير ربحية معنية بدراسة الأخبار الزائفة والمعلومات المضللة باللغة العربية على الانترنت، وتقديم الحلول الرائدة والمبتكرة لرصدها
حقيقة تصريحات السيسي عن انتحار المصريين
Dec. 12, 2019
تتضمن (زائف- مفبرك- بوست غير صحيح- خبر غير صحيح- تصريح غير دقيق- تصريح كاذب- صورة مزيفة- مضلل- فيديو مضلل- بوست مضلل- خبر مضلل- عنوان مضلل)
- أحمد منصور نشر تغريدة على "تويتر" فيها مقطع فيديو للرئيس السيسي بيقول فيه: "ناس بتنتحر هنعملهم إيه؟"، وعلق عليه: "#السيسى تعليقا على تفشى ظاهرة الإنتحار بين المصريين بسبب الفقر والبؤس والظلم يقول :" ناس بتنتحر هنعمل لهم إيه " وكأنه يقول للشعب اللى عايز ينتحر ينتحر ... أترك لكم التعليق على هذا الحاكم ومستواه وما أوصل اليه المصريين".
دحض الإدعاء
– الكلام ده غير صحيح. الفيديو مقتطع من سياقه. الفيديو الكامل بيوضح إن الرئيس السيسي كان بيتكلم عن الحروب الحديثة وسقوط الدول في المنطقة.✅✅
– السيسي كان بيتفقد الأنشطة التدريبية لطلبة الكلية الحربية في سبتمبر 2015، ووقتها توجه بالكلام للطلاب واتكلم عن “هد الدول” و”الجيل الرابع من الحرب”، وقال: “محدش يقدر يدمر الدول بالشكل اللي بنشوفه ده.. خلوا بالكم من الكلمة دي كويس، محدش يقدر في حرب يقوم يضرب دولة ويهد فيها زي اللي بيحصل في الوقت ده، إلا إذا كانت الدولة بتضرب نفسها.. إلا إذا كانت الدولة إيه؟ ناس بتنتحر هنعملهم إيه؟”. وزي مهو واضح سياق الكلام مختلف تمامًا عن اللي بيقوله أحمد منصور.✅✅
آخر الأخبار
