دحض الإدعاء

– الحقيقة إن الفيديو مش من مصر، أول مرة كان يظهره فيها الفيديو على الإنترنت كانت في أبريل 2013، في مدرسة اسمها “النعيم” في عاصمة البحرين (المنامة).✅✅

– دي مش أول مرة يتم تداول الفيديو فيها، لأنه بعد ظهور الفيديو في البحرين انتشر على أساس الواقعة حصلت في الكويت، ووقتها مواقع كويتية نشرت تصحيح وقالت إنه من البحرين.

– لو لاحظنا في الفيديو مش واضح إنه فيه مُعلم داخل الفصل خلال المشاجرة، ولكن طلاب فقط.

– كمان لما بحثنا عن النسخة الأصلية من الفيديو لاقينا إن مدته دقيقتين في الوقت اللى الفيديو المتداول (دقيقة و47 ثانية) هنلاقى إنه بطريقة ما تم اقتطاع آخر 14 ثانية منه. والثواني دي مهمة جدًا لأن خلالها فيه صوت طالب باين جدا انه بيتكلم بلهجة خليجية، مش مصري.

* في تغريدة يوم 13 أبريل 2013 لشخص من البحرين لقينا إنه نشر الفيديو وقال إنه من البحرين، وعلق عنده ناس قالوا إن الطالبين اللى ظهروا في المشاجرة تم فصلهم وتغريمهم، لكن يبدو إنه لسبب ما تم حذف الفيديو الأصلي المرفق بالتغريدة.