دحض الإدعاء

التصريح ده مجتزأ من سياقه. التصريح الأصلي بيقول فيه الرئيس: “المحور ده هيوصل للبحيرة.. هنا كان فيه 30 مسجد وتعديات أخرى كثيرة، احنا أزلناهم لكن عملنا، وكان واحنا بنعمل ده كانت الناس بتشكك، يقولك بيهدوا الجوامع، بيهدوا مساجد ربنا، طيب احنا.. بنهدها عشان احنا كارهين؟ ولا عشان نعمل مصلحة، وهنبني تاني مسجد مظبوط”.✅✅

السيسي قال أيضًا: “البحيرة فيها 77 جامع مخالف على حرم الترعة، هو اللي عايز يبني حاجة لربنا، يهادي ربنا ويعمل له بيته، يسرق أرضه؟ دي سرقة، وبالرغم من كدا ان شاء الله، هنشيل، وهنعمل مكانها”. ✅✅

قضية إزالة المساجد على محور المحمودية أثيرت قبل كدا، والسيسي علق في أحد المؤتمرات في شهر أغسطس 2019، على إزالة مسجد وضريح العارف بالله “أبو الإخلاص الزرقاني” اللي كان موجود في مسار المحور، ونقل جثمانه لمكان آخر، وأكد على اعادة بناء مساجد بدل اللي أزيلت لبناء الطريق، وقال “احنا قولنا شوفوا مكان جديد، واحنا نعمل لكم طبق الأصل أو أحسن للمسجد ده، زي ما عملنا في باقية المساجد”.

الشيخ حسن عبدالبصير مدير الدعوة بمديرية الأوقاف في الإسكندرية، أعلن في سبتمبر 2019 عن بناء 14 مسجدًا كبيرًا بخدمات متنوعة على محور المحمودية، بدلًا من الزوايا الصغيرة اللي كانت موجودة مكان المحور. وزارة الأوقاف المصرية

مواقع أخبار عديدة نشرت صور للمساجد الجديدة أثناء وبعد إنشائها، وفيه نسخة منها في التعليقات تقدروا تشوفوها.