دحض الإدعاء

– الكلام ده غير صحيح. الصورة مفبركة، ومفيش أي شاب مصري طلع القمر.✅✅

– الصورة الأصلية ملتقطة عام 1972، خلال رحلة “أبولو 17” ويظهر فيها رائد الفضاء يوجين سيرنان وخلفه العلم الأمريكي. التقط الصورة رائد الفضاء هاريسون شميت.

– الصورة المفبركة نشرتها صفحة باسم “أشرف السعد” عام 2014، مع تعليق: “اشرف السعد يرفع صورة الرئيس السيسي على سطح القمر دلوقتى الاخوان وابريل يقولولك ده فوتوااااااااااااا شوووووووووووووووب المهم عايز احلى تحية لانى دفعت دم قلبى لحد ماوصلت للقمر والغريبة انى لقيت صورته مرفوعة هناك بس للامانة معرفتش مين ال رفعها هناك”.

– عمرو محمد اللي اسمه موجود في البوست ده يبقى شاب مصري فاز عام 2012 في مسابقة “YouTube Space Lab” عن تجربة يمكن إجراءها في الفضاء، وفكرته كانت إرسال عنكبوت إلى الفضاء لدراسة تأثير انعدام الجاذبية عليه وعلى طريقة اصطياد فريسته.

– جائزة المسابقة مكنتش السفر إلى القمر، كانت السفر إلى روسيا للحصول على التدريبات اللي بيحصل عليها رواد الفضاء، وبالفعل عمرو سافر لروسيا وحصل على التدريب (فيديو له بيحكي عن التدريب في الكومنتات).

– جرى إجراء فكرة عمرو في الفضاء على عنكبوت اسمها “نفرتيتي”، والعنكبوت قضت 100 يوم في الفضاء ثم عادت إلى الأرض. وفي ديسمبر 2012 أعلن وفاة العنكبوت “نفرتيتي” لأسباب طبيعية.